Rabiye qadir xanim, kanada ziyaritini dawamlashturiwatidu
Written by Uyghur News on June 14th, 2008 in News-Uyghur.
Rabiye qadir xanim, kanada ziyaritini dawamlashturiwatidu
Source: RFA
2008-06-13
Uyghur milliy herikitining rehbiri we dunya uyghur qurultiyining reisi rabiye qadir xanimning charshenbe küni bashlighan kanada ziyariti dawamlishiwatqan bolup, dunya uyghur qurultiyining muawin reisi memet toxtining éytishiche, rabiye xanim kanadaning paytexti ottawada kanada hökümitining yuqiri derijilik rehberliri bilen uchriship, ular bilen uyghurlargha munasiwetlik muhim mesililerni muzakire qilghan.
Photo: RFA
20 - April küni bérlinda échilghan yighinda d u q reisi, uyghurlarning meniwi anisi rabiye qadir xanim échilish nutqi sözlidi.
Rabiye xanimning , bu qétimqi ziyariti jeryanida kanada hökümitining 4 ministiri bilen körüshkenlikini bildürgen memet toxti, bu yilning axirighiche, kanadada uyghurlar üchün nahayiti paydiliq bezi ishlar emelge éship qilishi mumkin dep körsetti.
Memet toxtining éytishiche, rabiye xanimning kanada hökümet rehberliri bilen uchrishishi jeryanida, uyghurlarning nöwettiki weziyiti, xitaylarning olimpik harpisida uyghurlarning milliy we diniy heriketlirini basturush we ularning söz we heriket erkinlikini téximu boghush üchün alghan tedbirliri shuningdek höseyin jélil mesilsii we güentanamoda tutup turuluwatqan uyghur mehbuslar mesilisi qatarliq mesililer etrapliq halda muzakire qilinghan hemde rabiye xanimning kanada hökümet rehberliri bilen élip barghan pütün uchrishishlirida kanada medeniyet ministiri jésin peni rabiye xanimgha hemrah bolghan.
Memet toxtining bildürüshiche, rabiye qadir xanim, kanada hökümet rehberliri bilen élip bérilghan söhbetlerde otturigha qoyulghan mesililer üstide ilgirilesh bolghan - Bolmighanliqini közdin kechürüsh üchün 6 ay ichide yene kanadani ziyaret qilidiken.