Rabiye qadir xanim xizmet ziyariti uchun norwégiye paytexti oslogha yétip keldi
Written by Uyghur News on April 17th, 2008 in News-Uyghur.
Rabiye qadir xanim xizmet ziyariti uchun norwégiye paytexti oslogha yétip keldi
2008.04.16
RFA News : Erkin Asiya Radiosi
Uyghur milliy herikitining rehbiri, dunya uyghur qurultiyining reisi rabiye xanim bilen dunya uyghur qurultiyi ijraiye komitétining reisi, amérika uyghur birleshmisining bash katipi alim séytof ependi 12 - Aprél shenbe küni norwégiye rafto jemiyitining uyushturushi bilen bérgén shehiridiki yawropa uniwérsitétigha nutuq sözleshke teklip qilindi.
Uyghur milliy herikitining rehbiri, dunya uyghur qurultiyining reisi rabiye xanim. RFA Photo
Rabiye qadir xanim 200 yüzdin artuq oqughuchilargha uyghur élining nöwettiki weziyiti, xitayda pat yéqinda ötküzülmekchi bolghan olimpik tenheriket yighinining uyghurlargha élip kéliwatqan her türlük yéngi bésimliri, olimpik yighinini bayqut qilish mesilisi, téxi yéqinda xotende 6yüzdin artuq ayallarning qatnishishi bilen ötküzülgen tinchliq namayishining basturulush ehwali shundaqla tibet mesilisi qatarliq bir qatar mesililer heqqide 2 saettin artuq tepsiliy toxtilip ötti.
Yighin zalidiki oqughuchilar bes - Bes bilen soal sorap özlirining uyghur mesilisige bolghan zor qiziqishini, uyghurlargha yéqindin köngül bolidighanliqini, uyghurlarning hazirqi échinishliq haligha intayin hésdashliq qilidighanliqini bildürüshti.
Rabiye qadir xanim bilen alim séytof ependi bérgéndiki xizmet ziyaritini axirlashturup 13 - Aprél küni etigen saet 9 de norwégiyining paytexti oslo shehirige yétip keldi.
Oslo we oslo etrapida yashaydighan uyghurlar sherqiy türkistanning ay - Yultuzluq kök bayriqini kötürüshüp, kichik dostlar gül - Destilerni sowgha qilip ularni daghdughuluq kütüwaldi.